الأربعاء، 23 مارس، 2011

جيل مصري حر


بمصر ولد جيل جديد
جيل ثورة .......
جيل حرية.......
جيل تعلم كيف يعبر عن رأيه
بالطبع كنت افكر الف مرة في انشاء مدونة تعبر عن رايي
في السياسة..........
في الدين............
في المجتمع..........
في العلم............
في كل مجال في بلدي
ولكن حلمي دائما ما كان يموت قبل ان يولد مع كل ما كان يواجه مجتمعنا من القمع والكبت
وكنت اكتفي بممارسة التعبير عن رايي على صفحات الفيس بوك والمناقشات التي تدور بيني وبين اصدقائي
ولكن اليوم
مع بداية عهد جديد
اصاب كل من شهد ميلاده بالشجاعة المفرطة
قررت تحقيق حلمي
و انشاء هذه المدونة التي اعتبرها اول متنفس حقيقي لي للتعبير عن ارائي ومناقشة اراء جيلي
الذي استحق عن جدارة لقب
جيل مصري حر

مصر على يد رؤسائها

عاوزين تعرفوا الفرق بين جمال عبد الناصر و انور السادات و حسني مبارك؟


ايام النكسة كان هو ده المستوى الفني للاغنية المصرية(انا اخترت حاجة متوسطة مش اجمد حاجة ساعتها)
عبد الحليم غنى وقال:
عدى النهار والمغربية جاية تتخفى ورا ضهر الشجر
وعشان نتوه في السكة شالوا من ليالينا القمر
و بلدنا على الترعة بتغسل شعرها
جاها نهار مقدرش يدفع مهرها


اما بقى ايام النصر مع عمنا انور السادات

ده كان متوسط الثقافة و مستوى الاغنية
شريفة فاضل غنت وقالت:
ابني حبيبي يا نور عين
بيضربوا بيك المثل
كل الحبايب بتهنيني
طبعا مانا ام البطل


اما بقى لما قامت الثورة بعد عهد حسني مبارك
ده مستوى الاغنية المصرية و نمشيها المتوسط الثقافي
(مع ان حمادة هلال ممكن
نعتبر تصنيفه من الناس اللي بتغني حاجات محترمة جدا مقارنة بناس تانية كتيييييييير)

غنى حمادة هلال وقال:

شهداء 25 يناير
راحوا في احداث يناير
؟؟؟؟؟؟؟؟؟؟؟؟؟؟؟؟؟؟
لا والله فعلا




لو في جريمة اتعملت فعلا في الشعب ده وتستحق العقاب
هو المستوى الثقافي العظيم اللي وصله الشعب كله
و عاوزاكم تحمدوا ربنا اني مش جبت اغنية لشعبان عبد الرحيم
اسمها 25 ميدان التحرير